وا شنگٹن( مانیٹرنگ ڈیسک)امریکی صدر ڈونلڈ ٹرمپ نے ایران کے معاملے پر نیٹو اتحاد کے بعض ممالک، خصوصاً اٹلی، پر سخت تنقید کی ہے۔غیر ملکی خبر رساں اداروں کے مطابق ٹرمپ نے کہا کہ امریکا نے نیٹو پر کئی دہائیوں میں کھربوں ڈالر خرچ کیے، تاہم اتحادی ممالک مشکل وقت میں ساتھ کھڑے نہیں ہوئے۔انہوں نے الزام عائد کیا کہ اٹلی اور اس کی قیادت ایران کے جوہری خطرے کے خلاف کسی ممکنہ کارروائی میں حصہ لینے پر آمادہ نہیں۔ٹرمپ کے مطابق امریکا نے طویل عرصے تک ان ممالک کا دفاع کیا، لیکن جب امریکا یا عالمی سطح پر آزمائش کا وقت آیا تو یہ ممالک تعاون کے لیے موجود نہیں تھے، جو کہ درست رویہ نہیں ہے۔
