روس اور یوکرین میں توانائی تنصیبات پر حملے روکنے کا معاہدہ؟ ٹرمپ کا دعویٰ غیر مصدقہ

واشنگٹن( مانیٹرنگ ڈیسک) امریکی صدر ڈونلڈ ٹرمپ نے دعویٰ کیا ہے کہ روس اور یوکرین توانائی کی تنصیبات پر حملے روکنے کے لیے جنگ بندی پر متفق ہو گئے ہیں، تاہم اس دعوے کی تاحال آزادانہ طور پر تصدیق نہیں ہو سکی۔تفصیلات کے مطابق ڈونلڈ ٹرمپ نے 11 اکتوبر کو اپنے سماجی رابطے کے پلیٹ فارم ٹروتھ سوشل پر اعلان کیا تھا کہ روس اور یوکرین کے درمیان توانائی کی تنصیبات کو نشانہ بنانے سے گریز کا معاہدہ فوری طور پر نافذ ہو گیا ہے۔فیکٹ چیکیوکرین کے صدر ولادیمیر زیلنسکی نے کہا کہ انہیں ایسے کسی معاہدے کے بارے میں علم نہیں۔ تاہم انہوں نے واضح کیا کہ اگر روس اس معاہدے پر رضامندی ظاہر کرتا ہے تو یوکرین اس کی حمایت کرے گا۔یوکرین کی جانب سے یہ دعویٰ بھی سامنے آیا کہ ٹرمپ کے اعلان کے باوجود روس نے یوکرین کی گیس تنصیبات کو نشانہ بنایا۔دوسری جانب روس نے بھی توانائی کی تنصیبات پر حملے روکنے کے کسی معاہدے کی تصدیق نہیں کی۔ کریملن کے ترجمان نے اس معاملے پر صرف اتنا کہا کہ فریقین کے درمیان رابطے جاری ہیں۔نتیجہدستیاب معلومات کی روشنی میں روس اور یوکرین کے درمیان توانائی کی تنصیبات پر حملے روکنے کے معاہدے سے متعلق ڈونلڈ ٹرمپ کا دعویٰ تاحال غیر مصدقہ ہے۔ یوکرین اور روس، دونوں کی جانب سے اس معاہدے کی باضابطہ تصدیق سامنے نہیں آئی۔