یوکرین جانے والے ترک مال بردار جہاز پر روسی ڈرون حملہ، مصری شہری ہلاک

انقرہ( مانیٹرنگ ڈیسک)یوکرین جانے والے ایک ترک مال بردار جہاز پر روسی ڈرون حملے کے نتیجے میں ایک مصری شہری ہلاک ہو گیا ہے۔یوکرینی نائب وزیرِ اعظم اولیکسی کولیبا نے سوشل میڈیا پر بتایا کہ ہلاک ہونے والا 58 سالہ شخص جہاز پر باورچی کے فرائض انجام دے رہا تھا۔ان کے مطابق جہاز کے عملے میں مصر، ترکیہ اور بھارت کے شہری شامل تھے۔ حملے کے باعث جہاز کو شدید نقصان پہنچا ہے۔انہوں نے مزید بتایا کہ عملے کے آٹھ افراد لائف رافٹس کے ذریعے محفوظ مقام پر منتقل ہو گئے ہیں۔حکام کے مطابق واقعے سے متعلق مزید تحقیقات جاری ہیں۔