برطانیہ میں 16 سال سے کم عمر بچوں کے سوشل میڈیا استعمال پر پابندی کا اعلان

لندن( ویب ڈیسک) لندن میں برطانوی وزیراعظم نے 16 سال سے کم عمر بچوں کے سوشل میڈیا استعمال پر پابندی کا اعلان کیا ہے۔برطانوی وزیراعظم کیئر اسٹارمر نے کہا کہ بچوں کو سوشل میڈیا سے دور رکھنے کا فیصلہ درست ہے اور اس پر مؤثر عملدرآمد کے لیے حکومت مکمل طور پر تیار ہے۔ ان کے مطابق بڑی ٹیکنالوجی کمپنیوں کے خلاف کارروائی کے لیے ریگولیٹری ادارہ بھی موجود ہے۔حکومتی منصوبے کے تحت گیمنگ سروسز اور لائیو اسٹریمنگ پلیٹ فارمز سے متعلق قوانین بھی مزید سخت کیے جا رہے ہیں تاکہ بچوں کی آن لائن سرگرمیوں کو محدود کیا جا سکے۔حکام کے مطابق اس اقدام کا مقصد بچوں کی توجہ موبائل فون اور ڈیجیٹل اسکرینز سے ہٹا کر تعلیم اور صحت کی جانب واپس لانا ہے۔رپورٹ کے مطابق دنیا بھر میں کم عمر افراد میں سوشل میڈیا کے بے جا استعمال پر تشویش بڑھ رہی ہے، کیونکہ اس کے تعلیمی، ذہنی اور سماجی اثرات سامنے آ رہے ہیں، جس کے باعث مختلف ممالک میں اس حوالے سے سخت قوانین پر غور کیا جا رہا ہے۔