لندن( مانیٹرنگ ڈیسک)برطانوی حکومت کے مطابق گزشتہ دو برس کے دوران 80 ہزار سے زائد غیر ملکیوں کو ملک سے واپس بھیجا گیا، جن میں غیر ملکی مجرم اور پناہ کی درخواستیں مسترد ہونے والے افراد بھی شامل ہیں۔رپورٹ کے مطابق 11 ہزار 733 غیر ملکی مجرموں کو ملک بدر کیا گیا، جن میں تقریباً 5 ہزار 995 افراد کو سزا مکمل ہونے سے قبل ہی واپس بھیج دیا گیا۔اس کے علاوہ پناہ کی درخواستوں سے متعلق 24 ہزار 471 افراد جبکہ برطانیہ میں قیام کا قانونی حق نہ رکھنے والے 19 ہزار 622 افراد کو بھی ملک بدر کیا گیا۔
