برطانیہ میں شدید گرمی کی لہر، 10 دن تک درجہ حرارت 30 ڈگری سے زائد رہنے کا امکان

لندن( مانیٹرنگ ڈیسک) برطانیہ کو رواں سال کی تیسری شدید گرمی کی لہر کا سامنا ہے، جہاں درجہ حرارت مسلسل 10 روز تک 30 ڈگری سینٹی گریڈ سے زیادہ رہنے کا امکان ظاہر کیا گیا ہے۔خبر رساں ادارے کے مطابق رواں ہفتے کے وسط میں درجہ حرارت مزید بڑھ کر 34 ڈگری سینٹی گریڈ تک پہنچ سکتا ہے۔برطانیہ کی ہیلتھ سکیورٹی ایجنسی نے 8 سے 21 جولائی تک مڈلینڈز، مشرقی اور جنوبی انگلینڈ کے علاقوں کے لیے ایمبر الرٹ جاری کر دیا ہے۔ایجنسی کی جانب سے اسی مدت کے لیے شمالی انگلینڈ کے علاقوں میں بھی زرد درجے کی وارننگ جاری کی گئی ہے۔حکام نے شہریوں کو شدید گرمی کے دوران احتیاطی تدابیر اختیار کرنے اور صحت کے حوالے سے محتاط رہنے کی ہدایت کی ہے۔