اقوامِ متحدہ کے جوہری معائنہ کاروں کی ایران واپسی متوقع: جے ڈی وینس

واشنگٹن( مانیٹرنگ ڈیسک) امریکی نائب صدر جے ڈی وینس نے کہا ہے کہ توقع ہے اقوامِ متحدہ کے جوہری معائنہ کار دوبارہ ایران واپس جائیں گے۔انہوں نے اپنے بیان میں کہا کہ ایران کے ساتھ جاری 60 روزہ مذاکرات کے دوران آبنائے ہرمز میں کسی قسم کی فیس یا رکاوٹ نہیں ہوگی، اور تجارتی سرگرمیاں معمول کے مطابق جاری رہیں گی۔دوسری جانب ایرانی میڈیا کے مطابق امریکی بحری ناکہ بندی کے خاتمے کے بعد ایران کے تین تیل بردار ٹینکر اور دو مال بردار جہاز آبنائے ہرمز سے بحفاظت گزر چکے ہیں۔رپورٹس کے مطابق یہ پیش رفت خطے میں کشیدگی میں کمی اور تجارتی راستوں کی بحالی کی علامت سمجھی جا رہی ہے۔