کاکامیگاہارا( سپورٹس ڈیسک) انڈر 18 ایشیا کپ ہاکی ٹورنامنٹ کے دوسرے گروپ میچ میں ملائیشیا نے سنسنی خیز مقابلے کے بعد پاکستان کو 2 کے مقابلے میں 3 گول سے شکست دے دی۔میچ کے پہلے حصے میں ملائیشیا نے شاندار کھیل پیش کرتے ہوئے پاکستان کے خلاف 3-0 کی برتری حاصل کر لی۔ تاہم وقفے کے بعد قومی ٹیم نے عمدہ واپسی کی اور دو گول کرکے مقابلہ دلچسپ بنا دیا۔پاکستانی کھلاڑیوں نے آخری لمحات تک برابری کے لیے بھرپور کوشش کی، لیکن ملائیشیا اپنی برتری برقرار رکھنے میں کامیاب رہی۔قومی ٹیم اپنا آخری گروپ میچ بدھ کو بنگلا دیش کے خلاف کھیلے گی۔ یاد رہے کہ پاکستان نے ٹورنامنٹ کے پہلے میچ میں چین کو 3-0 سے شکست دے کر کامیاب آغاز کیا تھا۔
