واشنگٹن( مانیٹرنگ ڈیسک)امریکی انتظامیہ نے امریکا اور ایران کے درمیان جاری مذاکرات اور حالیہ پیش رفت کے حوالے سے کانگریس کو اعتماد میں لینے کا فیصلہ کر لیا ہے۔امریکی میڈیا رپورٹس کے مطابق اعلیٰ حکام آج ایران کے ساتھ ہونے والے معاہدے اور اس سے متعلق پیش رفت پر قانون سازوں کو باضابطہ بریفنگ دیں گے۔ مفاہمتی یادداشت پر دستخط کے بعد یہ پہلا موقع ہو گا کہ امریکی انتظامیہ بڑے پیمانے پر کانگریس کے اراکین کو اس معاملے پر آگاہ کرے گی۔رپورٹس کے مطابق اس بریفنگ کا مقصد داخلی سیاسی دباؤ کو کم کرنا اور امریکی خارجہ پالیسی کے حوالے سے ایک متفقہ حکمت عملی تشکیل دینا ہے۔
