امریکی مشیر کا ٹرمپ کو ایران میں فتح کا اعلان کر کے جنگ ختم کرنے کا مشورہ

واشنگٹن( مانیٹرنگ ڈیسک) امریکی صدر ڈونلڈ ٹرمپ کے ایک قریبی مشیر نے انہیں مشورہ دیا ہے کہ امریکا ایران کے خلاف جاری کارروائی میں فتح کا اعلان کرے اور وہاں سے نکل جائے۔میڈیا رپورٹس کے مطابق وائٹ ہاؤس کے ٹیک اور مصنوعی ذہانت کے مشیر ڈیوڈ سیکس نے ٹرمپ کو ہدایت کی کہ امریکا کو جنگ میں مزید اضافہ کرنے کے بجائے فوری طور پر اپنے اہداف حاصل کرنے کے بعد معاملے کو ختم کر دینا چاہیے۔ڈیوڈ سیکس کا کہنا تھا کہ جنگ کو طول دینے سے تباہ کن نتائج پیدا ہو سکتے ہیں اور امریکا ایک طویل اور مہنگی جنگ میں پھنس سکتا ہے۔واضح رہے کہ ایران کے معاملے پر وائٹ ہاؤس میں اختلاف پایا جاتا ہے۔ کچھ حکام چاہتے ہیں کہ فوجی کارروائی جاری رکھی جائے تاکہ ایران کی فوجی صلاحیت مکمل طور پر کمزور ہو جائے، جبکہ دیگر مشیر اس موقف پر ہیں کہ امریکا اپنے اہداف حاصل کر چکا ہے اور اب جنگ ختم کر دینی چاہیے۔صدر ٹرمپ کا مؤقف ہے کہ جنگ کا اختتام اسی وقت ہوگا جب انہیں مناسب لگے گا۔