امریکا اور اسرائیل کا تہران پر فضائی حملہ، ایپک فیوری آپریشن کا آغاز

تہران ( مانیٹرنگ ڈیسک)امریکا اور اسرائیل نے ایران کے دارالحکومت تہران میں فضائی حملہ کیا ہے، جس کے بعد ہنگامی سائرن بجا دیے گئے اور تہران سمیت کئی علاقوں میں دھماکوں کی آوازیں سنی گئیں۔امریکی صدر ڈونلڈ ٹرمپ نے ہنگامی بیان میں کہا کہ امریکی افواج نے ایران کے خلاف وسیع آپریشن **ایپک فیوری** کا آغاز کر دیا ہے، جس میں ایرانی بحریہ اور میزائل پروگرام کو نشانہ بنایا جائے گا۔ صدر ٹرمپ نے خبردار کیا کہ پاسدارانِ انقلاب ہتھیار ڈال دیں تو استثنا ملے گا، ورنہ یقینی خطرہ ہوگا۔اسرائیلی دفاعی اہلکار کے مطابق حملے مہینوں کی منصوبہ بندی کے بعد کیے گئے اور چار روز تک شدید و مربوط فضائی کارروائیاں جاری رہیں گی۔ روسی میڈیا نے دعویٰ کیا ہے کہ حملوں میں کئی ایرانی فوجی کمانڈرز ہلاک اور انٹیلی جنس ہیڈکوارٹر کو نشانہ بنایا گیا۔ایرانی میڈیا کے مطابق تہران کے یونیورسٹی اسٹریٹ، جمہوری ایریا، خرام آباد، اصفہان اور مہرآباد ایئرپورٹ میں میزائل گرائے گئے، جبکہ سپریم لیڈر آیت اللہ علی خامنہ ای کو محفوظ مقام پر منتقل کر دیا گیا ہے۔ ایران اور عراق نے اپنی فضائی حدود بند کر دی ہیں، اور ایئر ٹریفک معطل ہے۔ماہرین کے مطابق اس حملے کے بعد خطے میں کشیدگی مزید بڑھ گئی ہے اور بین الاقوامی سیکیورٹی و ایوی ایشن پر اثرات مرتب ہو سکتے ہیں۔