امریکا ایران مذاکرات میں پیش رفت، واشنگٹن معاہدے کے قریب ہونے کا دعویٰ

واشنگٹن ( مانیٹرنگ ڈیسک) امریکی نائب صدر جے ڈی وینس نے کہا ہے کہ ایران کے ساتھ جاری مذاکرات میں امریکا اپنے اہداف حاصل کرنے کے لیے مضبوط پوزیشن میں ہے۔فاکس نیوز کو دیے گئے انٹرویو میں ان کا کہنا تھا کہ امریکا، صدر ڈونلڈ ٹرمپ کی قیادت میں، ایران کے ساتھ مذاکرات کے ذریعے اپنے اہم اہداف حاصل کرنے کے قریب ہے۔انہوں نے دعویٰ کیا کہ ایران اب اس تنازع کو مزید طول نہیں دینا چاہتا اور مذاکرات کی میز پر سنجیدہ تجاویز کے ساتھ آ رہا ہے، جن کی امریکا کی جانب سے تصدیق کی جا رہی ہے۔نائب صدر کے مطابق اگر یہ معاہدہ طے پا جاتا ہے تو یہ امریکی عوام کے لیے ایک بڑی سفارتی کامیابی ہوگی۔