جے پور میں احتجاج کے دوران تشدد، کاکروچ جنتا پارٹی کے بانی پر حملہ

جے پور( مانیٹرنگ ڈیسک) بھارتی شہر جے پور میں تعلیمی پرچوں کے لیک ہونے، تعلیمی نظام کی خرابیوں اور بڑھتی ہوئی بے روزگاری کے خلاف احتجاج کے دوران کاکروچ جنتا پارٹی کے بانی ابھجیت دیپکے پر نامعلوم افراد نے حملہ کر دیا۔وائرل ہونے والی ویڈیو کے مطابق احتجاج کے دوران ایک شخص نے ابھجیت دیپکے کو گلے میں موجود صافے سے کھینچا، جس کے بعد دو افراد نے انہیں تھپڑ اور مکے مارے۔واقعے کے بعد ان کے حامیوں نے مبینہ حملہ آوروں کو پکڑ کر تشدد کا نشانہ بنایا، جس سے صورتحال کشیدہ ہو گئی۔بعد ازاں ابھجیت دیپکے نے سوشل میڈیا پر ردعمل دیتے ہوئے کہا کہ اس طرح کے حملے ان کی تحریک کو نہیں روک سکتے اور وہ پرامن احتجاج جاری رکھیں گے۔ انہوں نے وزیرِ تعلیم دھرمیندر پردھان کے استعفے کا مطالبہ بھی دہرایا۔پولیس کے مطابق واقعے میں ملوث چھ افراد کو حراست میں لے کر تفتیش شروع کر دی گئی ہے۔