لاہو ر(پاکستان خبر) جماعتِ اسلامی کے امیر حافظ نعیم الرحمٰن نے کہا ہے کہ انتظار کر رہے ہیں کہ وزیراعظم پاکستان کب دورے پر آتے ہیں۔لاہور میں پریس کانفرنس کرتے ہوئے حافظ نعیم الرحمٰن نے کہا کہ حکومت کو عوام پر بوجھ ڈالنے کے بجائے اپنے اخراجات کم کرنے چاہئیں، حکومت ہر بوجھ عوام پر ڈال دیتی ہے۔انہوں نے کہا کہ سیاسی طور پر ارکان قومی اسمبلی کو نوازا جاتا ہے، یہ سیاسی رشوت نہیں تو اور کیا ہے؟ مریم نواز نے 11 ارب روپے کا جہاز لیا۔حافظ نعیم الرحمٰن نے کہا کہ حکومت نے ہمارے گزشتہ روز کے جلسے کو روکنے کی ناکام کوشش کی، جماعتِ اسلامی کے کارکنوں نے بھرپور جوش و جذبے کے ساتھ حکومتی کوششیں ناکام بنا دیں۔ان کا کہنا تھا کہ ہمارے تمام مطالبات سادہ اور واضح ہیں، افسوس ہے کہ ملک کی سیاسی جماعتوں نے عوامی مسائل کو بہتر انداز میں نہیں اٹھایا، پالیسی ریٹ میں کمی ہونی چاہیے۔
