ویمنز ٹی ٹوئنٹی ورلڈ کپ: پاکستان کا دوسرا میچ آج جنوبی افریقہ کے خلاف ہو گا

برمنگھم( سپورٹس ڈیسک) آئی سی سی ویمنز ٹی ٹوئنٹی ورلڈ کپ میں آج پاکستان ویمنز کرکٹ ٹیم اپنا دوسرا میچ جنوبی افریقہ ویمنز کرکٹ ٹیم کے خلاف کھیلے گی۔قومی ٹیم اس میچ میں پہلی فتح حاصل کرنے کے لیے پرعزم ہے۔ دونوں ٹیموں کے درمیان مقابلہ رات ساڑھے دس بجے شروع ہوگا۔میگا ایونٹ کے دیگر میچز میں آج پہلے مقابلے میں آسٹریلیا ویمنز کرکٹ ٹیم اور بنگلہ دیش ویمنز کرکٹ ٹیم پاکستانی وقت کے مطابق دوپہر ڈھائی بجے آمنے سامنے ہوں گی، جبکہ شام ساڑھے چھ بجے بھارت ویمنز کرکٹ ٹیم اور نیدرلینڈز ویمنز کرکٹ ٹیم کے درمیان میچ کھیلا جائے گا۔واضح رہے کہ پاکستان ویمنز ٹیم کو اپنے پہلے میچ میں روایتی حریف بھارت کے ہاتھوں 64 رنز سے شکست کا سامنا کرنا پڑا تھا۔