ویمنز ٹرائنگولر سیریز: پاکستان کے لیے فائنل تک رسائی مشکل، بڑے مارجن سے جیت درکار

لاہور ( سپورٹس ڈیسک)آئرلینڈ میں جاری ویمنز ٹرائنگولر سیریز میں پاکستان ویمنز ٹیم کا فائنل تک پہنچنے کا سفر انتہائی مشکل ہوگیا ہے۔تفصیلات کے مطابق پاکستان ٹیم کو فائنل میں جگہ بنانے کے لیے اپنے باقی دونوں میچز میں بڑے مارجن سے کامیابی حاصل کرنا ہوگی۔پاکستان ویمنز ٹیم آج رات 8 بجے ویسٹ انڈیز کے مدمقابل آئے گی، جسے ایونٹ میں ایک اہم مقابلہ قرار دیا جا رہا ہے۔اس سے قبل آئرلینڈ نے سیریز کے چوتھے میچ میں ویسٹ انڈیز کو ڈک ورتھ لوئس سسٹم کے تحت ایک رن سے شکست دے کر پوائنٹس ٹیبل پر پہلی پوزیشن حاصل کر لی۔یہ کامیابی ٹی ٹوئنٹی انٹرنیشنل کرکٹ میں ویسٹ انڈیز کے خلاف آئرلینڈ کی پہلی فتح بھی ہے، جسے سیریز کا اہم اپ سیٹ قرار دیا جا رہا ہے۔