کوئٹہ( پاکستان خبر) بلوچستان کے ضلع زیارت میں مسلح افراد نے پولیس چوکی پر حملہ کر دیا، جس کے نتیجے میں 9 پولیس اہلکار شہید ہو گئے۔ایس پی زیارت کے مطابق مانگی کے علاقے میں مسلح افراد نے پولیس چوکی کو نشانہ بنایا، جہاں فائرنگ کے تبادلے میں 9 اہلکار جان کی بازی ہار گئے۔ایس پی زیارت عبدالقدوس نے بتایا کہ شہید پولیس اہلکاروں کی میتیں ڈی ایچ کیو اسپتال منتقل کر دی گئی ہیں۔انہوں نے مزید بتایا کہ حملہ آور 5 پولیس اہلکاروں کو اپنے ساتھ لے گئے ہیں، جن کی بازیابی کے لیے اقدامات شروع کر دیے گئے ہیں۔
