کراچی( شو بز ڈیسک) پاکستانی ٹی وی انڈسٹری کی ابھرتی ہوئی اداکارہ نوال پرویز ملک نے زندگی کے نئے سفر کا آغاز کرتے ہوئے نکاح کرلیا۔اداکارہ نے سوشل میڈیا پر اپنی نکاح کی سادہ اور پروقار تقریب کی تصاویر شیئر کرکے مداحوں کو خوشخبری سنائی۔تصاویر میں ان کے شریک حیات رضا بھی موجود ہیں، جنہوں نے آف وائٹ کُرتے کے ساتھ اسی رنگ کی کڑھائی والی ویسٹ کوٹ پہن رکھی ہے، جبکہ نوال پرویز ملک نے سلور اور ہلکے سنہری رنگ کا خوبصورت کڑھائی والا عروسی لباس زیب تن کیا۔نکاح کی تقریب میں خاندان کے قریبی افراد اور دوستوں نے شرکت کی۔ تقریب کی تصاویر سوشل میڈیا پر مداحوں کی توجہ کا مرکز بن گئی ہیں۔شوبز شخصیات اور مداحوں کی جانب سے اداکارہ کو زندگی کے نئے سفر کے آغاز پر مبارکباد اور نیک تمناؤں کا سلسلہ جاری ہے۔
