اسلام آباد( پاکستان خبر) وفاقی وزیر داخلہ محسن نقوی نے کہا ہے کہ پاک فضائیہ کے شاہینوں نے 1965ء کی جنگ میں دشمن کا غرور خاک میں ملا دیا تھا۔یومِ فضائیہ کے موقع پر اپنے پیغام میں محسن نقوی نے کہا کہ 7 ستمبر 1965ء پاک فضائیہ کی غیر معمولی بہادری اور بے مثال پیشہ ورانہ صلاحیت کا تاریخی دن ہے۔ سکواڈرن لیڈر ایم ایم عالم کی شجاعت پاکستان کی عسکری تاریخ کا ایک روشن اور ناقابلِ فراموش باب ہے۔انہوں نے کہا کہ ایم ایم عالم نے چند ہی لمحوں میں دشمن کے 5 طیارے مار گرائے اور ایک تاریخی کارنامہ انجام دیا۔ پاک فضائیہ کی اعلیٰ پیشہ ورانہ مہارت اور صلاحیتوں پر پوری قوم کو فخر ہے۔محسن نقوی نے کہا کہ ملک کی فضائی حدود کے محافظ ہر وقت چوکس اور تیار ہیں، جبکہ شہداء اور غازیوں نے اپنی قربانیوں کے ذریعے وطن کے دفاع کو ناقابلِ تسخیر بنایا ہے۔وفاقی وزیر داخلہ کے مطابق پاک فضائیہ کے افسران اور جوانوں کا دفاعِ وطن کا جذبہ اور حب الوطنی قابلِ تقلید ہے۔ یومِ فضائیہ ہمارے غازیوں اور شہداء کی بے مثال قربانیوں کی یاد تازہ کرتا ہے، قوم پاک فضائیہ کے ہیروز کی عظیم قربانیوں کو ہمیشہ یاد رکھے گی۔
