انسداد دہشتگردی عدالت کا 13 سی ٹی ڈی اہلکاروں کی تنخواہیں روکنے کا حکم

پشاور( پاکستان خبر) دہشت گردی کے مقدمے میں نامزد سرکاری گواہان کی عدم پیشی پر انسداد دہشتگردی عدالت نے 13 سی ٹی ڈی اہلکاروں کی تنخواہیں روکنے کا حکم دے دیا ہے۔عدالت نے آفیسر ضلع مہمند کو مراسلہ ارسال کیا، جس میں بتایا گیا کہ 13 سی ٹی ڈی اہلکار استغاثہ کے گواہان ہیں لیکن بار بار نوٹسز کے باوجود پیش نہیں ہوئے۔مراسلے میں عدالت نے ہدایت کی کہ تاحکم ثانی مذکورہ اہلکاروں کی تنخواہیں بند کی جائیں۔