امریکا ایران معاہدہ خطے میں امن و استحکام کا نیا باب کھول سکتا ہے: انور قرقاش

ابوظہبی( مانیٹرنگ ڈیسک) متحدہ عرب امارات کے صدارتی مشیر انور قرقاش نے کہا ہے کہ امریکا اور ایران کے درمیان متوقع معاہدہ نہ صرف جاری کشیدگی کے خاتمے کا باعث بنے گا بلکہ خطے میں امن، استحکام اور سیاسی کامیابی کا ایک نیا دور بھی شروع کرے گا۔اپنے بیان میں انور قرقاش نے کہا کہ موجودہ بحران کے دوران متحدہ عرب امارات نے دانشمندانہ اور متوازن حکمت عملی اختیار کی، جس کا مقصد کشیدگی میں کمی اور سفارتی حل کی حمایت تھا۔انہوں نے کہا کہ متحدہ عرب امارات ہمیشہ امن، مذاکرات اور علاقائی استحکام کا حامی رہا ہے اور آئندہ بھی تنازعات کے پرامن حل کے لیے اپنی کوششیں جاری رکھے گا۔انور قرقاش نے مزید کہا کہ امن کی کوششوں کے ساتھ ساتھ ملکی دفاع، قومی سلامتی اور خودمختاری پر کسی قسم کا سمجھوتہ نہیں کیا جائے گا۔