خلائی کچرے سے نمٹنے کے لیے برطانیہ کا روبوٹک مشن تیار کرنے کا منصوبہ

 کیلیفورنیا( ویب ڈیسک) برطانیہ نے زمین کے گرد مدار میں بڑھتے ہوئے خلائی کچرے کو ختم کرنے کے لیے ایک منفرد منصوبے پر کام شروع کردیا ہے، جس کے تحت بڑے پنجوں سے لیس روبوٹک خلائی جہاز تیار کیا جائے گا۔منصوبے کے مطابق یہ خلائی جہاز ناکارہ سیٹلائٹس کو اپنے پنجوں کی مدد سے پکڑ کر زمین کی فضا کی طرف منتقل کرے گا، جہاں شدید حرارت کے باعث وہ جل کر تباہ ہوجائیں گے۔ماہرین کا کہنا ہے کہ خلائی کچرے کا کوئی ٹکڑا بھی فعال سیٹلائٹ یا خلائی جہاز سے ٹکرا جائے تو اسے شدید نقصان پہنچ سکتا ہے، جس سے مواصلاتی اور دیگر اہم خلائی خدمات متاثر ہونے کا خدشہ ہے۔برطانیہ اس منصوبے پر تقریباً 81 ملین ڈالر خرچ کرے گا۔ اس کا بنیادی مقصد زمین کے مدار میں موجود ناکارہ سیٹلائٹس کی تعداد کم کرنا اور فعال خلائی جہازوں کو ممکنہ تصادم سے محفوظ رکھنا ہے۔منصوبہ کامیاب ہونے کی صورت میں مستقبل میں ناکارہ سیٹلائٹس کو مدار سے ہٹانے اور خلائی کچرے کے مسئلے سے نمٹنے کے لیے نئی راہیں کھل سکتی ہیں۔