ناگویا( سپورٹس ڈیسک)جاپان میں جاری ایشین گیمز کرکٹ فائنل میں پاکستان کے خلاف پہلے بیٹنگ کرتے ہوئے بھارت کی چوتھی وکٹ 128 رنز پر گر گئی۔بھارتی بیٹر سوریا ونشی 15 رنز بنا کر آؤٹ ہوئے، جبکہ سنجو سیمسن صرف 2 رنز بنا سکے اور پویلین لوٹ گئے۔اس وقت ابھیشک شرما اور بھارتی کپتان شریاس ائیر کریز پر موجود ہیں اور اننگز کو آگے بڑھا رہے ہیں۔بھارت نے فائنل میں ٹاس جیت کر پہلے بیٹنگ کا فیصلہ کیا تھا۔ بھارتی کپتان شریاس ائیر نے ٹاس کے موقع پر بتایا کہ سیمی فائنل میں سری لنکا کے خلاف میدان میں اترنے والی ٹیم ہی فائنل میں بھی برقرار رکھی گئی ہے۔پاکستانی ٹیم صاحبزادہ فرحان کی قیادت میں معاذ صداقت، عثمان خان، صائم ایوب، حسن نواز، عبدالصمد، سعد مسعود، عرفات منہاس، احمد دانیال، ابرار احمد اور سفیان مقیم پر مشتمل ہے۔
