کوئٹہ( پاکستان خبر) حکومت بلوچستان نے انتہائی مطلوب 9 خواتین دہشت گردوں کے بارے میں معلومات فراہم کرنے پر 10 سے 15 لاکھ روپے تک انعام دینے کا اعلان کردیا۔معاون وزیر داخلہ برائے میڈیا امور بابر یوسفزئی کے مطابق مطلوب خواتین سے متعلق قابلِ اعتماد معلومات فراہم کرنے یا ان کی گرفتاری میں معاونت کرنے والے افراد کو انعام دیا جائے گا، جبکہ اطلاع دینے والوں کی شناخت مکمل طور پر پوشیدہ رکھی جائے گی۔انہوں نے بتایا کہ مطلوب خواتین کا تعلق گوادر، جیوانی اور تربت سے ہے۔بابر یوسفزئی کے مطابق حکومت بلوچستان نے ان خواتین کو انتہائی مطلوب قرار دیا ہے اور شہریوں سے اپیل کی ہے کہ ان کے بارے میں معلومات متعلقہ حکام تک پہنچائیں۔
