کراچی( پاکستان خبر) کراچی میں مزار قائد کے اطراف جلسے اور جلوسوں پر عائد پابندی برقرار رکھنے کا فیصلہ کیا گیا ہے۔ضلعی انتظامیہ کے مطابق اجازت کے بغیر جلسہ منعقد کرنے کی صورت میں قانون کے مطابق کارروائی کی جائے گی۔ مزار قائد کے اطراف کسی بھی قسم کے جلسے یا جلوس کی اجازت نہیں، یہ فیصلہ امن و امان کی مجموعی صورتحال کو مدنظر رکھتے ہوئے کیا گیا ہے۔وزیراعلیٰ خیبر پختونخوا کا اسٹریٹ موومنٹ کے تحت قافلہ آج کراچی پہنچے گا۔ سہیل آفریدی ریلی کی صورت میں سہراب گوٹھ، لیاقت آباد اور گرو مندر سے ہوتے ہوئے مزار قائد پہنچیں گے۔سیکیورٹی خدشات کے پیش نظر پولیس نے فول پروف انتظامات مکمل کرلیے ہیں، جبکہ مزار قائد کے اطراف اضافی نفری بھی تعینات کردی گئی ہے۔
