اسلام آباد( سپورٹس ڈیسک) سری لنکا کے خلاف ٹی ٹوئنٹی سیریز کے لیے ایشین گیمز میں حصہ لینے والے قومی اسکواڈ میں کئی تبدیلیوں کا امکان ہے۔میڈیا ذرائع کے مطابق ایشین گیمز میں پاکستانی ٹیم کی قیادت کرنے والے صاحبزادہ فرحان کو کپتان برقرار رکھے جانے کا امکان ہے۔دوسری جانب بابر اعظم، شاداب خان، نسیم شاہ اور فخر زمان کی ٹیم میں واپسی متوقع ہے، جبکہ احمد دانیال، سعد مسعود، حیدر علی اور محمد وسیم جونیئر کو ممکنہ طور پر اسکواڈ سے باہر کیا جائے گا۔پاکستان اور سری لنکا کے درمیان 3 ٹی ٹوئنٹی میچز کی سیریز 9 سے 13 اکتوبر تک راولپنڈی میں کھیلی جائے گی۔سیریز کے لیے قومی ٹیم کے کھلاڑیوں کے اسلام آباد میں رپورٹ کرنے کا امکان ہے، جبکہ سری لنکن ٹیم گزشتہ رات اسلام آباد پہنچ چکی ہے۔
