آئندہ بجٹ تجاویز پر آئی ایم ایف کی منظوری کے منتظر، وزارتِ خزانہ کا رابطہ جاری

 اسلام آباد( کامرس ڈیسک)وزارتِ خزانہ آئندہ مالی سال دو ہزار ستائیس تا چھبیس کے بجٹ کی تجاویز کے حوالے سے سیاسی اور بین الاقوامی سطح پر مشاورت جاری رکھے ہوئے ہے، جبکہ اہم فیصلوں کے لیے عالمی مالیاتی ادارے کی منظوری کا انتظار کیا جا رہا ہے۔ذرائع کے مطابق بجٹ تجاویز پر پیپلز پارٹی کے ساتھ مشاورت کے علاوہ عالمی مالیاتی ادارے کی حتمی رائے بھی انتہائی اہمیت رکھتی ہے، جس کا آج ردعمل آنے کا امکان ظاہر کیا جا رہا ہے۔وزارتِ خزانہ اور ٹیکس پالیسی ونگ کی جانب سے عالمی مالیاتی ادارے کے ساتھ آن لائن رابطے مسلسل جاری ہیں تاکہ مجوزہ اصلاحات اور مالی اقدامات پر اتفاقِ رائے حاصل کیا جا سکے۔ذرائع کا کہنا ہے کہ جن تجاویز کو عالمی مالیاتی ادارے کی منظوری حاصل ہو گی، انہیں آئندہ بجٹ کا باقاعدہ حصہ بنایا جائے گا۔