بیجنگ( ویب ڈیسک)چین کی روبوٹکس کمپنی یو-بی ٹیک نے مصنوعی ذہانت (اے آئی) سے لیس جدید انسان نما روبوٹس متعارف کروا دیے ہیں، جن کا مقصد تنہائی کا شکار افراد کو صحبت فراہم کرنا، روزمرہ امور میں معاونت کرنا اور جذباتی روابط کو بہتر بنانا ہے۔کمپنی کے مطابق یہ روبوٹس جدید لارج لینگویج ماڈلز (ایل ایل ایم)، آواز کی شناخت، چہرے کی پہچان اور قدرتی انداز میں گفتگو کرنے کی صلاحیت سے لیس ہیں۔یہ انسان نما روبوٹس صارفین کے ساتھ ہونے والی گفتگو کو یاد رکھنے، مختلف سوالات کے جواب دینے، اہم کاموں کی یاد دہانی کرانے اور گھریلو سطح پر بنیادی معاونت فراہم کرنے کی صلاحیت رکھتے ہیں۔کمپنی کا کہنا ہے کہ اس نئی ٹیکنالوجی کا مقصد مصنوعی ذہانت کو انسانی ضروریات سے ہم آہنگ کرتے ہوئے بزرگ افراد، تنہا رہنے والوں اور روزمرہ مدد کے محتاج صارفین کے لیے زیادہ مؤثر اور دوستانہ معاون فراہم کرنا ہے۔
