امریکا اور ایران امن معاہدے کے بعد عالمی مارکیٹ میں خام تیل کی قیمتوں میں نمایاں کمی

واشنگٹن (کامرس ڈیسک) امریکا اور ایران کے درمیان امن معاہدے اور آبنائے ہرمز کھولنے کے اعلان کے بعد عالمی مارکیٹ میں خام تیل کی قیمتوں میں واضح کمی ریکارڈ کی گئی ہے۔امریکی خام تیل کی قیمت میں 5 فیصد کمی ہوئی جس کے بعد قیمت 80 ڈالر فی بیرل تک آ گئی۔برطانوی خام تیل کی قیمت میں بھی 4 فیصد کمی ریکارڈ کی گئی، جس کے بعد برینٹ کروڈ آئل 83 ڈالر فی بیرل کی سطح پر پہنچ گیا۔متحدہ عرب امارات کے مربن کروڈ آئل کی قیمت میں بھی 5 فیصد کمی ہوئی اور یہ 83 ڈالر فی بیرل تک آ گیا۔ماہرین کے مطابق خطے میں کشیدگی میں کمی اور سپلائی چین سے متعلق خدشات میں نرمی کے باعث عالمی منڈی میں تیل کی قیمتوں میں کمی دیکھی جا رہی ہے۔