بیجنگ( سپورٹس ڈیسک) بیجنگ اوپن کے سیمی فائنل میں روسی ٹینس اسٹار ڈینیئل میدویدیف کو نوواک جوکووچ کے خلاف میچ کے دوران تماشائیوں کی جانب گیند مارنے پر نااہل قرار دے دیا گیا۔یہ واقعہ اس وقت پیش آیا جب جوکووچ 5-7 اور 3-5 کی برتری کے ساتھ سروس کر رہے تھے۔ میدویدیف نے غصے میں گیند تماشائیوں کی جانب دے ماری، جو اگلی صف میں بیٹھے ایک شخص کی بائیں آنکھ پر جا لگی۔زخمی تماشائی کو آنکھ پر ہاتھ رکھے ہوئے اسٹیڈیم سے باہر لے جایا گیا۔میدویدیف کی یہ حرکت 2020 کے یو ایس اوپن کے واقعے کی یاد دلاتی ہے، جب جوکووچ کو بھی ایک لائن جج کو گیند لگنے کے بعد ٹورنامنٹ سے باہر کردیا گیا تھا۔اس کامیابی کے ساتھ جوکووچ نے بیجنگ اوپن میں اپنا ناقابل شکست ریکارڈ 33-0 برقرار رکھا۔فائنل میں جوکووچ کا مقابلہ آسٹریلوی کھلاڑی ایلکس ڈی منور سے ہوگا، جنہوں نے ہبرٹ ہورکاچ کے انجری کے باعث میچ ادھورا چھوڑنے کے بعد فائنل میں جگہ بنائی۔
