امریکا ایران معاہدے کی تفصیلات سامنے آگئیں، پابندیاں ختم اور جوہری پروگرام پر نئی شرائط

واشنگٹن( مانیٹرنگ ڈیسک) امریکا اور ایران کے درمیان متوقع امن معاہدے کی مزید تفصیلات سامنے آ گئی ہیں۔ برطانوی خبر رساں ادارے کے مطابق ایران کو حتمی معاہدے تک اپنے جوہری پروگرام کی موجودہ صورتحال برقرار رکھنی ہوگی۔رپورٹ میں کہا گیا ہے کہ ایران یورینیم کی افزودگی اور جوہری تنصیبات میں توسیع فوری طور پر روک دے گا، جبکہ امریکا ایران پر عائد تیل کی پابندیاں ختم کرے گا۔مزید بتایا گیا ہے کہ آبنائے ہرمز تمام تجارتی جہازوں کے لیے فوری طور پر کھول دی جائے گی۔ امریکا ایران کے 25 ارب ڈالر کے منجمد اثاثے بھی بحال کرے گا۔رپورٹ کے مطابق ابتدائی معاہدے کے بعد آئندہ 60 روز میں حتمی معاہدے پر بات چیت کی جائے گی۔ حتمی معاہدے تک ایران پر کوئی نئی پابندی عائد نہیں کی جائے گی۔واشنگٹن علاقائی اتحادیوں کے ساتھ مل کر ایران کی تعمیر نو اور ترقی کا منصوبہ بھی تیار کرے گا۔