نیو جرسی( سپورٹس ڈیسک)فیفا ورلڈکپ 2026 کے فائنل کے موقع پر شائقین فٹبال کو کھیل کے ساتھ ساتھ ایک شاندار تفریحی پروگرام بھی دیکھنے کو ملے گا، کیونکہ فائنل میں تاریخ کا پہلا ہاف ٹائم شو منعقد کیا جائے گا۔یہ خصوصی ہاف ٹائم شو 19 جولائی کو نیو جرسی اسٹیڈیم میں ہوگا، جس میں عالمی شہرت یافتہ گلوکار جسٹن بیبر، میڈونا، شکیرا اور بی ٹی ایس اپنی پرفارمنس پیش کریں گے۔اس کے علاوہ برنا بوائے، گستاوو دودامل، کولڈ پلے اور پی ایس 22 کورس بھی اس بڑے میوزیکل پروگرام کا حصہ ہوں گے۔جسٹن بیبر نے اپنے بیان میں کہا کہ ورلڈکپ دنیا بھر کے لوگوں کو ایک دوسرے سے جوڑتا ہے اور اس تاریخی شو کا حصہ بننا ان کے لیے اعزاز کی بات ہے۔فیفا ورلڈکپ 2026 کے فائنل ہاف ٹائم شو میں بچوں کے معروف پروگرام سیسمی اسٹریٹ اور دی مپٹس کے کردار بھی خصوصی شرکت کریں گے۔
