کراچی( کامرس ڈیسک) غیر ملکی قرضوں اور دیگر واجبات کی ادائیگی کے باعث پاکستان کے سرکاری زرمبادلہ ذخائر میں ایک ارب 24 کروڑ 45 لاکھ ڈالر کی کمی ریکارڈ کی گئی ہے۔سٹیٹ بینک آف پاکستان کے مطابق 10 جولائی کو ختم ہونے والے ہفتے کے دوران ملکی زرمبادلہ کے سرکاری ذخائر میں نمایاں کمی ہوئی، جس کے بعد یہ 17 ارب 22 کروڑ 58 لاکھ ڈالر کی سطح پر آ گئے ہیں۔مرکزی بینک کے جاری کردہ اعداد و شمار کے مطابق پاکستان کے مجموعی زرمبادلہ ذخائر 22 ارب 67 کروڑ 55 لاکھ ڈالر ریکارڈ کیے گئے ہیں۔سٹیٹ بینک کے مطابق کمرشل بینکوں کے پاس موجود زرمبادلہ ذخائر 5 ارب 44 کروڑ 97 لاکھ ڈالر ہیں۔حکام کے مطابق زرمبادلہ ذخائر میں کمی کی بڑی وجہ بیرونی قرضوں اور دیگر مالی ذمہ داریوں کی ادائیگیاں ہیں۔
