لندن( شو بز ڈیسک) برطانیہ کے معروف موسیقی میلے گلاسٹن بری 2027 کے تمام ٹکٹس صرف 45 منٹ میں فروخت ہوگئے۔منتظمین نے سوشل میڈیا پر تصدیق کی کہ جون 2027 میں ہونے والے میلے کے تمام ٹکٹس فروخت ہوچکے ہیں۔ ایک ٹکٹ کی قیمت 408 پاؤنڈ، جو تقریباً 539 ڈالر بنتی ہے، مقرر کی گئی تھی۔جنوب مغربی انگلینڈ کے ورتھی فارم میں منعقد ہونے والا گلاسٹن بری میلہ 1970 میں شروع ہوا تھا اور وقت کے ساتھ دنیا کے بڑے موسیقی میلوں میں شامل ہوگیا۔2027 کے میلے میں شرکت کرنے والے فنکاروں کے نام تاحال جاری نہیں کیے گئے، تاہم منتظمین نے واضح کیا ہے کہ دوبارہ متحد ہونے والا معروف برطانوی بینڈ اوئسز اگلے سال گلاسٹن بری میں پرفارم نہیں کرے گا۔گلاسٹن بری 2027 کا انعقاد 23 سے 27 جون تک ہوگا، جبکہ 2026 میں میلے کا انعقاد نہیں کیا گیا۔
