لاہور( سپورٹس ڈیسک) انٹرنیشنل کرکٹ کونسل کی جاری کردہ نئی ٹی ٹوئنٹی درجہ بندی میں قومی ٹیم کے نوجوان بلے باز حسن نواز نے 62 درجے بہتری کے ساتھ 49ویں پوزیشن حاصل کرلی۔ کپتان صاحبزادہ فرحان تیسرے اور صائم ایوب 38ویں نمبر پر موجود ہیں۔ بلے بازوں کی فہرست میں بھارت کے ایشان کشن اور ابھیشیک شرما بالترتیب پہلی اور دوسری پوزیشن پر ہیں، جبکہ ہیری بروک چوتھے اور جوز بٹلر پانچویں نمبر پر ہیں۔ شریاش ایئر 18 درجے ترقی کرکے ساتویں نمبر پر آگئے۔گیند بازوں کی درجہ بندی میں افغانستان کے راشد خان نے پاکستانی اسپنر ابرار احمد سے پہلی پوزیشن چھین لی، جس کے بعد ابرار دوسرے نمبر پر چلے گئے۔ آسٹریلیا کے ایڈم زمپا تیسرے نمبر پر ہیں۔ آل راؤنڈرز میں زمبابوے کے سکندر رضا سرفہرست، صائم ایوب دوسرے اور انگلینڈ کے ول جیکس تیسرے نمبر پر ہیں۔
