کوئٹہ( اباسین خبر) بلوچستان کے محکمہ داخلہ نے امن و امان کی صورتحال کے پیش نظر ضلع مستونگ کی سب تحصیل کھڈ کوچہ میں تاحکمِ ثانی کرفیو نافذ کر دیا ہے۔معاون وزیر داخلہ بلوچستان بابر یوسفزئی نے کہا ہے کہ کرفیو کے دوران شہریوں کو گھروں سے باہر نکلنے کی اجازت نہیں ہوگی۔ انہوں نے عوام سے اپیل کی کہ امن و امان کی صورتحال کو مدنظر رکھتے ہوئے انتظامیہ کے احکامات پر عمل کریں۔بابر یوسفزئی کا کہنا تھا کہ کرفیو کی خلاف ورزی کرنے والوں کے خلاف قانون کے مطابق کارروائی عمل میں لائی جائے گی۔
