خطے میں کشیدگی پر اعلیٰ سطحی رابطہ، امیر قطر اور ٹرمپ کی اہم گفتگو

دوحہ( مانیٹرنگ ڈیسک) امیر قطر شیخ تمیم بن حمد آل ثانی اور امریکی صدر ڈونلڈ ٹرمپ کے درمیان ٹیلیفونک رابطہ ہوا جس میں خطے میں بڑھتی ہوئی کشیدگی اور سمندری سلامتی کے امور پر تبادلہ خیال کیا گیا۔امیری دیوان کے بیان کے مطابق دونوں رہنماؤں نے خطے اور عالمی سطح پر تازہ صورتحال پر گفتگو کی، خاص طور پر ایسے وقت میں جب کشیدگی میں تیزی سے اضافہ ہو رہا ہے۔گفتگو کے دوران بین الاقوامی سمندری سلامتی، توانائی کی منڈیوں کے استحکام اور عالمی ترسیلی نظام کے تسلسل کو یقینی بنانے پر زور دیا گیا، جبکہ آبنائے ہرمز میں جاری صورتحال بھی زیر غور آئی۔امیر قطر نے خطے میں کشیدگی کو مزید بڑھنے سے روکنے کے لیے عالمی سطح پر سفارتی کوششیں تیز کرنے کی ضرورت پر زور دیا۔