Investor Confidence Rises in Pakistan, Foreign Profits Reach $1.73 Billion

اسلام آباد( کامرس ڈیسک) ایس آئی ایف سی کی معاونت سے پاکستان میں سرمایہ کاری کے ماحول میں بہتری اور سرمایہ کاروں کے اعتماد میں استحکام دیکھا جا رہا ہے۔مالی سال 2026 کے پہلے 8 ماہ میں غیر ملکی سرمایہ کاروں کے منافع اور ڈیویڈنڈز 1.73 ارب ڈالر تک پہنچ گئے، جو گزشتہ سال کی نسبت 10.52 فیصد زیادہ ہیں۔فروری 2026 میں غیر ملکی کمپنیوں کی جانب سے 48.7 ملین ڈالر کی ادائیگیاں ریکارڈ کی گئیں، جو ملکی کاروباری سرگرمیوں کے مستحکم ہونے کی عکاسی کرتی ہیں۔ شعبہ وار ادائیگیاں کچھ یوں رہی ہیں: پاور 421.85 ملین ڈالر، مالیاتی شعبہ 374.09 ملین ڈالر، فوڈ 142.42 ملین ڈالر، کمیونیکیشن 132.3 ملین ڈالر اور ٹرانسپورٹ 91.29 ملین ڈالر۔مشیر وزیر خزانہ خرم شہزاد کے مطابق انڈیپینڈنٹ سروے سے ظاہر ہوتا ہے کہ پاکستان میں کام کرنے والے بیرونی سرمایہ کاروں کا اعتماد بڑھا ہے۔ دو سال پہلے تقریباً 60 فیصد سرمایہ کار ملک میں سرمایہ کاری کو موزوں سمجھتے تھے، جو اب بڑھ کر 75 فیصد ہو گئے ہیں۔سرمایہ کاروں کے مطابق ملکی استحکام، بہتر حکومتی مشینری اور محفوظ سیکیورٹی ماحول سرمایہ کاری کے لیے سازگار عوامل ہیں۔