غزہ( مانیٹرنگ ڈیسک) مقبوضہ مغربی کنارے میں اسرائیلی فوج کی فائرنگ کے نتیجے میں ایک فلسطینی شہری شہید ہوگیا۔فلسطینی وزارت صحت کے مطابق بیت لحم کے جنوب میں فائرنگ سے 31 سالہ امجد جواد جان کی بازی ہار گئے، جن کا تعلق الخلیل شہر سے تھا۔واقعے کے بعد اسرائیلی فوج نے علاقے کو گھیرے میں لے کر فلسطینی شہریوں کی آمد و رفت محدود کر دی، جبکہ واقعے کی وجوہات فوری طور پر واضح نہیں ہو سکیں۔مقامی ذرائع کے مطابق حالیہ دنوں میں مغربی کنارے میں اسرائیلی فوجی کارروائیوں، چھاپوں اور گرفتاریوں میں اضافہ دیکھا جا رہا ہے۔اس سے چند گھنٹے قبل بھی ایک الگ واقعے میں 26 سالہ فلسطینی نوجوان عماد ہارون کو مقبوضہ بیت المقدس کے قریب شہید کر دیا گیا تھا۔
