اسلام آباد(پاکستان خبر)وفاقی دارالحکومت اسلام آباد میں 30 مارچ کو ایک اہم سفارتی اجلاس منعقد ہوگا جس میں ترکیہ، سعودی عرب اور مصر کے وزرائے خارجہ شرکت کریں گے۔ذرائع کے مطابق اجلاس کی صدارت نائب وزیر اعظم اور وزیر خارجہ اسحاق ڈار کریں گے، جبکہ اس موقع پر علاقائی اور عالمی امور پر تفصیلی مشاورت کی جائے گی۔ذرائع کا کہنا ہے کہ اجلاس میں خطے کی موجودہ صورتحال اور مشترکہ چیلنجز سرفہرست ہوں گے، جن پر شریک ممالک کے درمیان اہم تبادلہ خیال متوقع ہے۔
