نائجر ( ویب ڈیسک)نائجر کے صحارا صحرا میں ایک افسوسناک واقعے میں کم از کم 50 افراد شدید گرمی اور پانی کی کمی کے باعث ہلاک ہو گئے۔میڈیا رپورٹس کے مطابق متاثرہ افراد ایک گاڑی کے ذریعے صحرا عبور کر رہے تھے کہ دورانِ سفر ان کی گاڑی خراب ہو گئی۔ امداد نہ پہنچنے اور انتہائی بلند درجہ حرارت کے باعث مسافر کئی دن تک صحرا میں پھنسے رہے، جس کے نتیجے میں بیشتر افراد پیاس اور گرمی کی شدت سے جان کی بازی ہار گئے۔مقامی حکام کے مطابق ہلاک ہونے والوں میں خواتین اور بچے بھی شامل ہیں، جبکہ چند افراد کو زندہ بچا کر طبی امداد فراہم کی گئی ہے۔واضح رہے کہ صحارا صحرا میں غیر قانونی نقل مکانی اور مشکل سفری راستوں کے باعث اس نوعیت کے المناک واقعات ماضی میں بھی پیش آتے رہے ہیں۔
