کو ئٹہ( پاکستان خبر)پاک فوج، ایف سی بلوچستان اور پولیس کی جانب سے دہشتگردوں کے خلاف مشترکہ "آپریشن شعبان" جاری ہے، جس کے دوران مزید 3 دہشتگردوں کو ہلاک کردیا گیا۔سیکیورٹی ذرائع کے مطابق فتنہ الخوارج کے خلاف بلوچستان کے مختلف علاقوں میں مؤثر کارروائیاں جاری ہیں، جن میں دہشتگردوں کو فضائی اور زمینی کارروائیوں کے ذریعے نشانہ بنایا جا رہا ہے۔ذرائع کا کہنا ہے کہ سیکیورٹی فورسز کی کامیاب کارروائیوں کے نتیجے میں دہشتگرد گروہوں کو بھاری نقصان اٹھانا پڑا ہے، جبکہ حالیہ آپریشن میں مزید 3 دہشتگردوں کی ہلاکت کی تصدیق ہوئی ہے۔سیکیورٹی فورسز نے دہشتگردوں کے متعدد ٹھکانوں کو کامیابی سے نشانہ بنایا، جس کے بعد آپریشن شعبان کے دوران ہلاک ہونے والے دہشتگردوں کی مجموعی تعداد 88 ہوگئی ہے۔ذرائع کے مطابق 5 جولائی سے اب تک آپریشن شعبان اور دیگر انٹیلی جنس بیسڈ کارروائیوں میں مجموعی طور پر 126 دہشتگرد مارے جا چکے ہیں۔سیکیورٹی حکام کا کہنا ہے کہ بلوچستان میں دہشتگردی کے مکمل خاتمے تک آپریشن شعبان اور دیگر کارروائیاں جاری رہیں گی۔
