اسلام آباد( کامرس ڈیسک)گزشتہ مالی سال کے دوران پاکستان نے چین سے 1.7 ارب ڈالر کی ری فنانسنگ سمیت مجموعی طور پر 16.2 ارب ڈالر کے غیر ملکی قرض حاصل کیے۔حکومت غیر ملکی قرضوں اور گرانٹس کے لیے مقررہ 19.92 ارب ڈالر کے ہدف کے مقابلے میں 3.72 ارب ڈالر کم حاصل کر سکی، یوں مقررہ ہدف پورا نہ ہو سکا۔سرکاری اعداد و شمار کے مطابق گزشتہ مالی سال میں سب سے زیادہ قرض ایشیائی ترقیاتی بینک (ایشین ڈیولپمنٹ بینک) سے حاصل کیا گیا، جس کی مالیت 953.74 ملین ڈالر رہی۔
