اسلام آباد( کامرس ڈیسک)وفاقی وزیر پٹرولیم علی پرویز ملک نے کہا ہے کہ پاکستان کی تمام پانچ آئل ریفائنریز توسیع و بہتری کے معاہدوں پر دستخط کے لیے تیار ہیں۔کراچی کے دورے کے دوران وفاقی وزیر نے ریفائنریوں کی مالی و عملی کارکردگی، موجودہ پالیسی پر پیش رفت اور ملکی توانائی کے تحفظ سے متعلق امور کا جائزہ لیا۔علی پرویز ملک کے مطابق پانچوں ریفائنریز کے معاہدوں پر آئندہ ماہ کے آغاز میں دستخط متوقع ہیں، جبکہ منصوبوں سے 6 ارب ڈالر سے زائد کی سرمایہ کاری آنے کی توقع ہے۔انہوں نے کہا کہ ریفائنریوں کی جدید کاری ملکی پٹرولیم شعبے کو طویل مدت تک مستحکم اور پائیدار بنانے کے لیے ناگزیر ہے۔
