کرک( پاکستان خبر) خیبرپختونخوا کے ضلع کرک میں پولیس نے خٹک ڈیم کے قریب کارروائی کرتے ہوئے 4 دہشت گردوں کو ہلاک کر دیا۔پولیس کے مطابق کرک اور کوہاٹ پولیس نے خفیہ اطلاعات کی بنیاد پر مشترکہ آپریشن کیا، جس کے دوران دہشت گردوں کے ساتھ فائرنگ کا تبادلہ ہوا۔پولیس حکام کا کہنا ہے کہ کارروائی میں مارے جانے والے دہشت گرد زاہد گروپ سے تعلق رکھتے تھے، جو متعدد پولیس اہلکاروں کی شہادت کے واقعات میں مبینہ طور پر ملوث تھے۔پولیس ترجمان کے مطابق آپریشن کے دوران ڈسٹرکٹ پولیس افسر کرک اور ایس پی صدر کوہاٹ بھی موقع پر موجود رہے اور کارروائی کی نگرانی کرتے رہے۔
