پراڈا کا قمری مشنز کے لیے جدید اسپیس سوٹ متعارف، ناسا پروگرام میں استعمال کا امکان

میلان( ویب ڈیسک)اطالوی لگژری فیشن ہاؤس پراڈا نے چاند پر بھیجے جانے والے آئندہ خلائی مشنز کے لیے تیار کردہ جدید اندرونی خلائی سوٹ کی رونمائی کر دی ہے، جو امریکی خلائی ادارے ناسا کے قمری پروگرام میں استعمال کیا جائے گا۔یہ جدید خلائی لباس پراڈا نے خلائی انفراسٹرکچر کمپنی “ایکسیم اسپیس” کے اشتراک سے تیار کیا ہے۔ اس سوٹ میں جدید ہوا دار نظام کپڑے کے اندر ہی شامل کیا گیا ہے جبکہ ایک خاص کولنگ سسٹم باریک نالیوں کے ذریعے ٹھنڈا پانی جسم کے اہم حصوں تک پہنچاتا ہے تاکہ خلاباز سخت خلائی ماحول میں بھی مناسب جسمانی درجہ حرارت برقرار رکھ سکیں۔پراڈا کے مارکیٹنگ سربراہ لورینزو برٹیلی نے کہا کہ یہ منصوبہ کمپنی کے ڈیزائن اور جدید مواد کے تجربے اور خلائی انجینئرنگ کے امتزاج کا نتیجہ ہے، جو انسان کی چاند پر واپسی کے سفر میں ایک اہم سنگ میل ثابت ہوگا۔ایکسیم اسپیس کے چیف ایگزیکٹو جوناتھن کرٹن کے مطابق یہ خلائی سوٹ مختلف شعبوں کی مشترکہ مہارت کا نتیجہ ہے، جسے کوئی ایک ادارہ اکیلے تیار نہیں کر سکتا تھا۔ماہرین کا کہنا ہے کہ جدید ٹیکنالوجی سے لیس یہ خلائی سوٹ آئندہ قمری مشنز میں خلابازوں کی حفاظت اور کارکردگی بہتر بنانے میں اہم کردار ادا کرے گا۔