اسلام آباد ( پاکستان خبر) پاکستان تحریک انصاف کے اندرونی معاملات پر رہنما شوکت یوسفزئی نے پارٹی میں بعض رہنماؤں کی ناراضگی کی تصدیق کر دی ہے۔ایک ٹی وی پروگرام میں گفتگو کرتے ہوئے شوکت یوسفزئی نے کہا کہ پارٹی میں ناراضگی ضرور موجود ہے، تاہم اس کا مطلب یہ نہیں کہ کوئی الگ گروپ تشکیل پا رہا ہے یا حکومت کے لیے کوئی خطرہ پیدا ہو گیا ہے۔انہوں نے کہا کہ وزیراعلیٰ خیبرپختونخوا چند ناراض رہنماؤں کو منانے کی کوشش کر رہے ہیں اور ان کے مطابق یہ صرف چھوٹے نوعیت کے اختلافات اور مسائل ہیں جو جلد حل ہو جائیں گے۔شوکت یوسفزئی نے مزید کہا کہ علی امین گنڈاپور نے بانی تحریک انصاف کے کہنے پر استعفیٰ دیا تھا، اور اگر کسی سطح پر کوئی غلط فہمی موجود ہے تو اسے بھی جلد دور کر لیا جائے گا۔
