کراچی ( کامرس ڈیسک) پاکستان میں سونے اور چاندی کی قیمتوں میں نمایاں اضافہ ریکارڈ کیا گیا ہے۔آل صرافہ جیمز کے مطابق 24 قیراط فی تولہ سونا 15 ہزار 300 روپے بڑھ کر چار لاکھ 94 ہزار 62 روپے تک پہنچ گیا، جبکہ 10 گرام سونا 13 ہزار 117 روپے اضافے کے بعد چار لاکھ 23 ہزار 578 روپے پر بند ہوا۔چاندی کی قیمت میں بھی اضافہ دیکھا گیا، 24 قیراط فی تولہ چاندی 200 روپے بڑھ کر سات ہزار 984 روپے کی سطح پر پہنچ گئی۔عالمی مارکیٹ میں بھی سونے کی قیمت میں اضافہ ریکارڈ کیا گیا، جہاں فی اونس سونا 153 ڈالر بڑھ کر چار ہزار 713 ڈالر ہو گیا۔آل صرافہ جیمز کے مطابق پاکستان میں مسلسل چار روز کے دوران فی تولہ سونا 26 ہزار 800 روپے بڑھ چکا ہے، جبکہ بین الاقوامی مارکیٹ میں چار روز میں فی اونس سونا 268 ڈالر کے اضافے کے بعد فروخت ہو رہا ہے۔
