ماسکو( ویب ڈیسک) روس کے دارالحکومت ماسکو میں پہلی مرتبہ روبوٹس کی علامتی شادی کی تقریب منعقد کی گئی، جس کی ویڈیوز سوشل میڈیا پر تیزی سے وائرل ہو رہی ہیں۔تقریب ماسکو کی ایک لائبریری میں منعقد ہوئی، جہاں رابرٹ اور میٹلڈا نامی دو روبوٹس کو علامتی طور پر میاں بیوی قرار دیا گیا۔سوشل میڈیا پر گردش کرنے والی ویڈیوز میں دونوں روبوٹس کو رقص کرتے ہوئے بھی دیکھا جا سکتا ہے، جبکہ تقریب کے دوران انہیں شادی کی مناسبت سے خصوصی ویڈنگ بریسلیٹس بھی پہنائے گئے۔رپورٹس کے مطابق رابرٹ کو ایک دفتری ملازم اور بلاگر کی طرز پر ڈیزائن کیا گیا ہے، جبکہ میٹلڈا ایک بیلرینا روبوٹ کے طور پر تیار کی گئی ہے۔یہ منفرد تقریب جدید روبوٹکس اور مصنوعی ذہانت کی صلاحیتوں کو اجاگر کرنے کے لیے منعقد کی گئی، جس نے ٹیکنالوجی کے شوقین افراد اور سوشل میڈیا صارفین کی بھرپور توجہ حاصل کی۔
