الخرج میں خطرہ ٹل گیا، سعودی سول ڈیفنس کا صورتحال معمول پر ہونے کا اعلان

 ریا ض( مانیٹرنگ ڈیسک)سعودی عرب کے محکمۂ سول ڈیفنس نے اعلان کیا ہے کہ الخرج گورنریٹ میں ممکنہ خطرہ ختم ہو گیا ہے اور اب صورتحال مکمل طور پر معمول کے مطابق ہے۔محکمے کے مطابق شہری اپنی روزمرہ سرگرمیاں بلا خوف و خطر جاری رکھ سکتے ہیں۔ اس سے قبل اچانک جاری کیے گئے ہنگامی الرٹ میں الخرج کے رہائشیوں کو احتیاط برتنے اور محفوظ مقامات پر رہنے کی ہدایت کی گئی تھی۔دوسری جانب ایرانی سرکاری نشریاتی ادارے نے ایک فوجی عہدیدار کے حوالے سے رپورٹ کیا ہے کہ ایران نے سعودی عرب کے الخرج فضائی اڈے کو کسی بھی قسم کے حملے کا نشانہ نہیں بنایا اور نہ ہی وہاں فائرنگ کی گئی ہے۔صورتحال میں وقتی کشیدگی کے بعد اب خطے میں احتیاط اور نگرانی کا سلسلہ جاری ہے، جبکہ حکام عوام کو صورتحال پر نظر رکھنے کی ہدایت کر رہے ہیں۔